Архангай Чулуут сум 2011- оны 08-р сар, Өлзийт гол баг, Чулуут сумын хүн эмнэлэг байгуулагдсаны 70 жилийн ойн баяр наадам, байгалын зураг гэх мэт хэдэн зураг оруулав. Амралтаар нутагтаа очоод хониндоо яваад, айрагаа уугаад, тарвага буудаж боодоглоод, хээр дуугаа аялаад давхих ч зүйрлэн хэлэх үггүй юм даа.
Үг Д.Пүрэвдорж Ая З.Батсүх
Хөдөө нутаг сайхан
Алсын анирхан уулс дундаа
Агаарын ариухан хөдөө юм аа хө
Ажил хийж амьдран суумаар
Ай даа сайхан нутаг юм даа хө
Уулс, үүлс гүнд нь туссан
Усны тунгалаг хөдөө юм аа хө
Урт насалж удаан жаргамаар
Урамтай сайхан нутаг юм даа хө
Цэлмэг тэнгэрийн одод тоолон
Цэцэг нь түгсэн хөдөө юм аа хө
Цэвэрхэн охид нь хань болмоор
Цэнгүүн сайхан нутаг юм даа хө
Хүний санаа ариухан цагаан
Хүрээлж угтсан хөдөө юм аа хө
Хүчин зүтгэж бүл нэммээр
Хөгжүүн сайхан нутаг юм аа хө