‘Чулуут голын цуурай " хөгжлийн чуулга уулзалт нь чулуут сумын төвөөс 25 хүн, Зуунмод, Халуун-Ус, Хайрхан, Өлзийт, Хүрэм багаас тус тус 15-н шилдэг, тэргүүлэгч иргэдийн бүрэлдэхүүнтэйгээр сумынхаа "Хөгжлийн гарцаа тодорхойлох” зорилгоор зохион байгуулагдах бөгөөд Архангай аймгийн хөгжлийн цогц бодлого /2010-2021 он хүртэлх/  урт хугацааны баримт бичиг батлагдахын өмнө нь зохион байгуулагдаж байгаагаарай онцлог болж байна.

Чуулга уулзалтын гол зорилго нь орон нутагтаа ажиллаж, амьдарч байгаа иргэдийн санал санаачлагыг сонсон, тэдний саналыг нэгтгэж, төрөөс  баримталж буй бодлогын баримт бичгүүд болох  " Монгол улсын бүсчилсэн хөгжлийн үзэл баримтлал’,  "Үндэсний хөгжлийн цогц бодлого”, ” Шинэ бүтээн байгуулалт” дунд хугацааны зорилтот хөтөлбөр, "Архангай
аймгийн хөгжлийн цогц бодлого”-ын баримт бичгүүдтэй уялдуулан хөрөнгө оруулалт, төсөл арга хэмжээнүүдийг оновчтой төлөвлөж, хэрэгжүүлэх юм. Чуулга уулзалтаар боловсрол, эрүүл мэнд, дэд бүтэц, нийгэм, эдийн засаг, санхүү, хөдөө аж ахуй, хүрээлэн буй орчин, хөгжлийн нөөц давуу тал зэрэг чиглэл, зорилтуудыг авч үзэх нь чухал юм.Энэ чуулганаар орон нутагтаа ажиллаж, амьдарч байгаа иргэдийн тав тухтай байдлы г  хангах, сумаа хөгжүүлэх талаар олон сайхан санал санаачлагуудыг гаргана гэдэгт итгэлтэй байна.Та бүхний чуулганаас гаргасан санал санаачлагыг Архангай аймгийн хөгжлийн цогц бодлого, цаашдын бодлого арга хэмжээнд тусган хэрэгжүүлэх болно.